تێرۆرى ئیسلامى مێژویەکى کۆنى هەیە، بۆ سەلماندنى ئەمەش پێویست بە هیچ قسەوباسى چەند بارە ناکا، تەنها ئاوردانەوە لە مێژوى سەرهەڵدان و بیروباوەرو خوێندنەوەى قورعانەکەى محه‌مه‌د باشترین بەڵگەن لەسەر توندوتیژیی و تێرۆرى ئیسلامى کە محه‌مه‌د مستەفا رێبەرەکەیەتى و جێنشین و مەلا و مورید و پارتە ئیسلامیەکانى کۆن و ئێستاش جێبەجێکارى فەرمانەکانى خوداکەى محه‌مه‌دن. ئاورردانەوە لە مێژوى زیاد لە چواردە سەدەى فیکرى پەیامبەر ئیسلام راستى شەرەنگێزى و بیرى تێرۆریزم و پر لە ستەمکارى ئەم ئاینەمان بۆ ئاشکرا ئەکا، بە جۆرێک کە هەر لەسەرەتاى ئاشکراکردنى ئاینکەى محه‌مه‌دەوە چەندین کەس لە هاوەڵان و بیرورا جیاوازەکان لە بەرامبەر بە پەیامبەرەکەیان رووبەرووى کوشتن و دەست و مل پەڕاندن بوونەتەوە، بە کەڵک وەرگرتن لە ئامانجى هاوبەش لە نێو خێڵ و قەبیلەکانى ئەودەمەدا محه‌مه‌د توانى و هەلى ئەوەى بۆ رەخسا کە وەک پەیامبەر گرەوەکەى خۆى بباتەوە بەڵام هەر پاش ئاشکرابوون لە مەرام و ئامانجە و بەرژەوەندییه تایبەتیەکانى خۆى کار گەشتە سەر هەڵدانى ناکۆکیی لە نێوان هاوەڵانى محه‌مه‌د و محه‌مه‌د ، ئەم ناکۆکیەش هەر لەسەرەتاى دروستبوونى خەلافەتى ئیسلامیەوە زیاتر پەرەیسەند و دواجار مەزهەبى جوداجوداى موخالیف بە یەکى لێکەوتەوە کە هەر لەو کاتەوە تا ئێستاش ملیونەها مرۆڤی بێتاوان لە سایەى ناکۆکیەکانى رێبەرانى ئیسلام بوونەتە قوربانى و هۆکارى تۆقاندن و ژیان لێسەندنەوەى ملیونەهاى دیکە بوون کە حاڵى حازر بە عەمەلى ئەو بیرە پر لە خۆێنرێژەى ئیسلام لە ئێراق و ئیران و ئه‌فغانستان و تەواوى دونیاى ئیسلامى ئەبینین کە بۆ خۆى گەواهى دەرى بیرى ستەمکاریی و تێرۆرى ئیسلامى ئەسەلمێنێت.لێرەوە دێمە سەر ئەو هەرەشەو زمانى شمشێرەى کە لە چەند رۆژى رابوردودا پەیرەوانى ئاینەکەى محه‌مه‌د کردیانە سەر چەند گۆڤارو رۆژنامە و کەسانێک کە تەنها لە چوارچێوەى دەقێکدا بیروراى خۆیان تێدا بەیانکردبوو، هەرەشە و چاوسورکردنەوە و فەتواو خوتبەى مەلاکانى ئیسلام و هەڵوێستى پارتە ئیسلامیەکان لە بەرامبەر رەخنەگرتنى چەند نوسەرێک لە ئاینەکەیان لەلایەک لاوازى ئاینەکەیان دەرەخات کە بەرگەى رەخنەى بەشەرى ناگرێت ،لەلایەکى دى دەلیلى سەرهەڵدانەوە و بەهێزبونى هێز و ئسوڵیەتى ئیسلامیە لەم هەرێمەدا کە بۆخۆى دەردەدارى چەندین سەدەى بیروباوەرى ئیسلام بوە، گومانى تێدا نیە کە دەستێوەردانەکانى جمهورى ئیسلامى وەک هێزێکى کۆنەپەرست و ستەمکار و لاوازى و دوفاقى ئایدیۆلۆجى پارتەدەسەڵاتدارەکانى کوردستان رێگە خۆشکەرى گەرانەوەى ئەم بیرە توندرەوەن کە لە دەیەیەى رابوردودا بەئاشکرا بونە هۆى کوشتن و هەرەشە لەخەڵکانى ئازادیخواز بەجۆرێک کە مافى جلپۆشین و خۆگۆرین و رادەربرینیان بەرتەسک کردبوەوە کە ژیانى چەند جار ناشرینترکردبو لەوەى کە لە شەرى هەرێمایەتى یەکێتى و پارتیدا سەپێنرابوو بەسەریاندا.
بەبۆچونى من تاوانبارو بەرپرسیاى سەرەکى پەلکێشانى بیرى ئسوڵى و تێرۆرى ئیسلامى لەم هەرێمەدا ئەگەرێتەوەى بۆ هەڵەى فیکرى و ئەخلاقى یەکێتى و پارتى، کە لەلایەک خۆیان بە پارێزەرى دین ئەزانن و لەلایەکى دیکە باس لە عیلمانیەت و دیمۆکراسى دەکەن، و لەهەردوو بارەکەدا ساڵانە ملیونەها دولار بەفیرۆ ئەدەن .ئەمە جگە لە ساتوسەوداى خودى بارزانى و تاڵەبانى لەگەڵ ئیسلامیەکان لە پێناو بەرژەوەندى حیزبایەتى و تایبەتى خۆیان.
رازیکردنى دڵى پارتە ئیسلامیەکان هەربە پارە بەخشینەوەوە نەوەستاوە بەڵکو بە سەفەقاتى ژێربەژێرو ئازادکردنى تاوانباران لە زیندانەکان تا دەگاتە سەپاندنى ویستو خواستى ئیسلامیەکان لە ده‌ستوور و یاساکانى هەرێمدا ، بەبنەماکردنى یاساو شەریعەتى ئیسلام لە ماددەى 6ى ده‌ستوورى هەرێمى کوردستاندا یەکێکى ترە لە هەڵە و تاوانە گەورەکانى ئەو دووپارتە، وە بەم کارەیان تا چەندین دەیەى تر بونە هۆى پاراستنى هەژمونى ئیسلامى بەسەر ژیان و بیرى خەڵکى ئازادى خوازى کوردستانەوە وە بەیاسا بونە هۆى سەرکوتى ئازادى بیروباوەر و درێژەدان بە کوشتنى و کۆیلەیەتى ژنان لەسایەى یاسا و شەریعەتى ئیسلامیدا. چەسپاندنى برگەى یەکەم " بنەماکانى شەریعەتى ئیسلام سەرچاوە یەکی سەرەکیی یاسادانانن ونابآ: یاسایەک دابندرێت ناکۆک بێت لەگەلڕ حوکمە نەگۆڕەکانی ئیسلام " لە ماددەى 6ى ده‌ستوورەکەى بارزانى و تاڵەبانى بۆخۆى شاهێدى ئەوەن کە هیچ کام لەم دوپارتە فریان بە مەدەنیەت و دیموکراتیەتەوە نیە ، مەسەلەى عەلمانیەت و ئازادى بیروباوەر تەنها قسەى باقو بریقى سەر رۆژنامەو بەردەم مایکروفونەکانى حیزبن و تەنها بۆ فریودانى خەڵک بەکاریان دیێنن.
بۆیە من داواکارم و پێشنیار ئەکەم کە خەڵکانى ئازادیخواز لەپێناو ئازادیى بیروباوەر و خەڵکانێک کە دەیانەوێت مومارەسەى دین بە ئازادانە بکەن تا رۆژێک لەسەر نوێژکردن راپێچى زیندانەکانى دەسەڵات نەکرێن و دین بکەنە پەرستنى شەخسى و خاڵى بکەنەوە لە تێرۆر و کوشتن ،دەبێت کار بۆ گۆرینى ده‌ستوور و یاساکان بکەن بەمەش مرۆڤە بێدین و دیندارەکان و تەواوى بیرو باوەرو ئاین و ئاینزاکان و تەواوى ماف و ئازادیەکانیان پارێزراوەبێت، و لێرەشەوە رێگە نادرێت بە هیچ دین و ئایدۆلۆجیایەک کە بێتە هۆى هەرەشەو تۆقاندنى خەڵک، و هەمووان فێربن بە وشە وەڵامى وشە بده‌نەوە رەخنە قبوڵبکەن و بیر لە پێکەوەژیان بکەنەوە ، چونکە هەموو کەس مافى ژیانى هەیە و بۆهیچ کەس و ئاین و بیرو باوەرێک نییه ژیان لە کەس بسەنێتەوە و ناچارى مردنى بکات. بۆیە لەکۆتایدا ئەلێم ئەبێت کارى جدى رۆشنبیر و ئازادیخوازان رەخنەگرتنبێت لە ده‌ستوور و جیاکردنەوەى دین لە دەوڵەت تا بۆ هەتایە بۆ هەموو کەس زامنى ئازادى بیروباوەر بکەین، نەک دەرکردنى بەیاننامەیەک یان دەربرینى نارەزایەتى کاتى ناڕوون لەسەر هەڵوێستى پارتێکى ئیسلامى یان هێرش و فەتواى مەلایەک.
ليست هناك تعليقات:
إرسال تعليق